Flugumferðaratvik er varð í stjórnuðu loftrými á Spáni þann 29. apríl 2006.

Í lendingarbruninu gat flugáhöfnin ekki hægt nægjanlega á flugvélinni þar sem þeir komu handföngum fyrir hreyfilafl ekki í stöðu fyrir vendiskurð (Beta Range). Flugvélin fór fram af brautarenda og fram yfir öryggissvæði við brautarendann og stöðvaðist um 350 metra frá enda flugbrautarinnar. Engin meiðsl urðu á áhöfn eða farþegum. Þrjár tillögur eru gerðar í öryggisátt í skýrslunni.

Áhöfnin var í sjónflugi til Sumburgh flugvallar er veðrið versnaði og flugu þeir í nálægð við klettabelti. Jarðvari flugvélarinnar aðvaraði áhöfnina en flugstjórinn kaus að fylgja ekki "PULL UP" viðvörun frá jarðvaranum. Áhöfnin hélt aðfluginu áfram og lenti athugasemdalaust á flugvellinum. Rannsóknin leiddi í ljós nokkra rekstrarlega, þjálfunar, og mannlega þætti sem voru meðverkandi í röngum viðbrögðum áhafnarinnar. Tvær tillögur í öryggisátt eru gerðar varðandi þjálfun áhafna og rekstrarlegt eftirlit Flugmálastjórnar Íslands með flugrekandanum.

Flugvélin var í akstri að stæði og ók á kyrrstæða flugvél. Rannsóknin var í höndum flugmálayfirvalda í Marokkó sem gaf út skýrslu á frönsku en hér má finna útdrátt á skýrslunni á ensku.

Alvarlegt flugatvik TF-JMO (Fokker 50) í aðflugi út Ísafjarðardjúp þann 15. febrúar 2006. TF-JMO lenti í ókyrrð í aðflugi út Ísafjarðardjúp og fékk í sömu andrá viðvörun frá jarðvara flugvélarinnar. Gagnagrunnur fyrir flugvelli hafði ekki verið uppfærður í flugvélinni og var það ástæða aðvörunarinnar.

Flugmenn á TF-LLA finna rafmagnslykt í flugstjórnarklefa og ákveða að halda flugi áfam þar sem lyktin hvarf. Skömmu síðar finnur áhöfnin enn á ný rafmagnslykt. Áhöfnin setur upp súrefnisgrímur og er flugvélinni snúið til Point á Pitre flugvallar. Rannsóknarnefnd flugslysa í Frakklandi (BEA) rannsakaði atvikið og skilaði skýrslu sinni á frönsku. Helstu atriði skýrslunnar hafa verið þýdd hér að ofan.

Flugmaðurinn ætlaði sér að snertilenda flugvélinni í fjöruborði í Fljótum á Hornströndum. Í flugtakinu missti hreyfillinn skyndilega afl og var flugvélinni nauðlent beint fram á við. Flugvélin skemmdist mikið en flugmanninn sakaði ekki.

Hreyfill fluvélarinnar missti afl yfir Þingvallarvegi þar sem eldsneytið hafði gengið til þurrðar. Flugmaðurinn hugðiðst nauðlenda flugvélinni á túni en kom of hátt inn til lendingar með þeim afleiðingum að flugvélin hentist yfir skurð við enda fyrirhugaðs lendingarsvæðis, krækti þar í girðingu og hafnaði í garði við bæinn Víði

Flugvélin náði ekki tilætluðum flugtakshraða og fór fram af flugbrautarenda án þess að takast á loft með þeim afleiðingum að hún hafnaði í Leirvogsá.

Rannsóknarnefnd flugslysa hefur gefið út skýrslu um flugslys flugvélarinnar TF-FAD, sem er af gerðinni Piper Tomahawk, er varð þann 3. september 2006. Flugnemi og flugkennari voru í kennsluflugi við Hjalteyri í Eyjafirði og voru að æfa neyðarviðbrögð. Flugneminn tók upp vængbörð áður en aflgjafa var ýtt inn. Við það missti flugvélin hæð og lenti á túni. Í lendingunni rakst flugvélin í jörðina og steyptist fram yfir sig. Engin slys urðu á mönnum en flugvélin skemmdist talsvert.

Flugnemi var í einliðaflugi og að æfa snertilendingar. Í einni snertilendingunni missti flugneminn sjtórn á flugvélinni. Flugvélin hafnaði utan flugbrautar og var talin ónýt. Flugnemann sakaði ekki.

Flugvélinni var lent á hálendi við vetraraðstæður. Flugvélin lenti í snjóskafli með þeim afleiðingum að hún hafnaði á bakinu.

TF-AIR var í sjónflugi til lendingar á flugbraut 20 á Keflavíkurflugvelli. FUA701W var í blindaðflugi að sömu flugbraut. Aðskilnaður varð á milli flugvélanna. Láréttur aðskilnaðurinn varð minnstur 0,3 Nm. Lóðréttur aðskilnaður varð minnstur 300 fet.

Drifsköft stélþyrils skemmdust á flugi.