Rannsóknarnefnd flugslysa

Rannsóknarnefnd flugslysa er staðsett í húsnæði Flugbjörgunarsveitar að Flugvallarvegi í Reykjavík. Skrifstofa RNF er opin virka daga frá kl. 08:30 - 16:30. Móttökuritari og símsvörun er á skrifstofu frá kl. 09:00 - 15:00. Þess utan er skrifstofusími áframfluttur í bakvaktarsíma sem svarar allan sólahringinn alla daga ársins.

Rannsóknarnefnd flugslysa (RNF) á ensku Aircraft Accident Investigation Board (AAIB) starfar í samræmi við "lög um rannsókn flugslysa" nr. 35/2004. RNF annast rannsókn flugslysa, flugatvika og flugumferðaratvika samkvæmt ofangreindum lögum og alþjóðasamningum sem Ísland er aðili að.

Nefndin var stofnuð árið 1996. Fyrir þann tíma voru rannsóknir á flugslysum og atvikum á hendi Flugslysanefndar og Rannsóknardeild Flugmálastjórnar Íslands.

RNF er stofnun sem heyrir stjórnsýslulega undir Innanríkisráðherra. Hún starfar sjálfstætt og óháð stjórnvöldum og öðrum rannsóknaraðilum, ákæruvaldi og dómstólum. Hjá RNF starfa 9 manns, þ.e. 3 nefndarmenn, 3 varamenn, 2 rannsakendur og 1 móttökuritari.

Rannsakendur
Stofnunin RNF lítur forstöðu forstöðumanns skipuðum af Samgönguráðherra og er forstöðumaðurinn jafnframt rannsóknarstjóri nefndarinnar. Samgönguráðherra ræður jafnframt aðstoðarrannsóknarstjóra. Rannsóknir á vegum RNF eru í umsjá rannsóknarstjóra og aðstoðarrannsóknarstjóra og eru því tveir rannsakendur á vegum nefndarinnar.

Nefndarmenn
Þriggja manna fagnefnd sérfræðinga skipuðum af Innanríkisáðherra endurskoðar rannsóknarstörf rannsakenda og samþykkir að rannsóknum loknum rannsóknarskýrslur fyrir útgáfu. Samgönguráðherra skipar einnig þrjá varamenn og eru því sex einstaklingar innan raða nefndarmanna.